客家山歌之情歌选

夜色光明

爱慕——

食尽生果唔当梨，

看尽妹子唔当你，

赤蘖打花千百朵，

唔当蔷薇开一枝。

阿妹生来桃花面，

眼拐丢来一条线，

妹子姻缘有厓（我）份，

身家畀你都甘愿。

妹子生得系苗条，

河唇洗衫用棒敲，

十指尖尖如竹笋，

害厓停桨又停篙。

夜色光明

又白又嫩又斯文，

妹子人才盖一村，

芋荷腌生送烧酒，

老实阿哥也会晕。

细妹生得系斯文，

害厓企等看到晕，

害厓食茶食到酒，

害厓食饭唔晓吞。

夜色光明

挑逗——

东门行出白衣庵，

又种桔子又种柑，

三皮茶叶泡碗水，

问妹心头淡（贪）唔淡？

噢嗨唔使打过多，

有心恋妹过来坐，

噢嗨打得老妹到，

耕田唔使牛来拖。

新买绣鞋菊花心，

旧年想妹想到今，

铁打荷包难开口，

六月火炉难兼身。

丙村腊蔗西阳梨，

郎系爱食妹削皮，

手拿利刀割到手，

今唔来歇等几时！

急水钓鱼难上钩，

顺风行船难转头，

三寸绫罗做顶帐，

叫郎样般（如何）来入头？

新做大屋四四方，

做了上堂做下堂，

做了三间又两栋，

问妹爱廊唔爱廊？

着双屐子想上梯，

唔怕跌死上楼来，

你想讲笑就易得，

你想兼身后世来。

因为无米割青禾，

因为无船正下河，

因为无双来连妹，

问妹有心向郎么？

水打石头堆数堆，

你莫紧行紧前来，

猫公走入灶里睡，

小心碰到一鼻灰。

家在江南

客家很多人会唱山歌哩。

快乐单身

阿妹生来桃花面，
眼拐丢来一条线，
妹子姻缘有厓（我）份，
身家畀你都甘愿。
喜欢！

夜色光明

家在江南 发表于 2012-5-7 10:44
客家很多人会唱山歌哩。

米筛筛米簸箕裁，

问哥爱姐呀爱厓？

阿姐梳得髻尾好，

挑花绣朵唔当厓。

墙内种花墙外开，

花高墙矮伸出来，

心想上前剪一朵，

新打剪刀口难开。

楣杆顶上种苦瓜，

苦瓜牵藤打野花，

一心都想上去摘，

无个胆量唔敢惹。

一树杨梅半树红，

哥系男人胆爱雄，

交情爱哥先开口，

女人开口面会红。

初来山上铲草皮，

唔知样般（如何）放粪箕，

阿哥同妹初相识，

唔知样般开言语。

妹子生得好人材，

好比月光走出来，

妹系月光哥系日，

唔知几时做一堆。

乌云遮月月不明，

雾里看花花不真，

冷水蒸饭难上气，

针筒打米难上升。

蝴蝶采花入花园，

哥想连妹先开言，

世上只有藤缠树，

唔曾见过树缠藤。

讲也闲来笑也闲，

脚下无云上天难，

妹子好比月中桂，

看就容易倒（砍）就难。

小小妖

这么多山歌。

水幽紫径

山歌 不会唱

夜色光明

水幽紫径 发表于 2012-5-7 11:12
山歌 不会唱

妹妹是客家人吧，客家人谁不会山歌。

水幽紫径

夜色光明 发表于 2012-5-7 11:21
妹妹是客家人吧，客家人谁不会山歌。

呵呵，还真不会，也许简单一点的会