本帖最后由 秋歌 于 2012-11-28 22:53 编辑
梅州时空搭歌台,秋歌朝阳柬有才
柬多网友来聚会有缘有份做一堆,
有缘有份做一堆,至今矛瞞来做堆
有心想同阿妹嬲,又怕阿妹唔睬啀.
又怕阿妹唔睬啀.有心想嬲又唔声. 只爱俩人心甘愿,食杯开水都喊甜.
对面介个秋先生,声音又好人又靓.
十个细妹九个想,还有一个尽命争 .
还有一个尽命争,听胜阿哥心法生.
可惜今下本钱少,有气矛力争唔成.
有气矛力争唔成,讲唱山歌你头名. 敢盖梅州各只县,客家才子係有名.
客家才子係有名,岭岗顶上种布惊,
总爱树里种得正,唔使淋水也会生.
啀今问妹淡唔淡.唔识山歌莫来谈.
耕田烧炭啀都爱,花花公子妹唔贪.
花花公子妹唔贪.割肉爱割隔心尖,
连妹爱连贴心妹,发风落雨也会行.
唔使淋水也会生.久雨唔晴啀县城, 街头街角十分暗,啀劝阿哥少出门.
客家文化版主哥,待人又好又慈和
日里三餐歌绑饭,夜里床头歌驳歌
夜里床头歌驳歌,床头唱去床尾和.
鸡啼三遍仍紧唱.唱到烛光笑呵呵 .
唱到烛光笑呵呵,秋歌山歌真系多.开口一唱歌成河,唱到明年割早禾.
唱到明年割早禾,烛光诗才又过多.
东西南北写光转,张口山歌又哦嗬.
张口山歌又哦嗬.独居深山爱唱歌,唱条山歌当米煮唱条山歌慰阿哥.
|