本帖最后由 秋歌 于 2012-11-27 16:43 编辑
时空山歌又开台 为配合今年梅州市首届客家文化艺朮节活动，啀借梅州时空《客家文化专栏》搭只山歌台，诚邀时空客家山歌爱好者，前来唱山歌。 1.秋歌 哎咳。。。。。。 山歌唔唱心唔开，大路唔行生溜苔。 老婆唔惜雷公劈，芋荷唔浸会野该。 2.秋歌 芋荷唔浸会野该。啀今搭有山歌台。 手遮凉棚四下看，专等朝阳阿哥来。 3.朝阳自然风 时空山歌又开台，再大厅堂廊入来。
扎硬马桩对到底，对倒一半兴唔来. 4.秋歌 对倒一半兴唔来。一条唱去一条来. 三条过里係矛转, 硬起肚拔挺阿来. 5.朝阳自然风 阿妹话涯身体差，胃火唔旺食沫渣。
柬靓面包唔晓想，柬好番薯唔晓拿。
6.秋歌 柬好番薯唔晓拿, 六十过里占知差.
想食肥肉怕屙肚, 想食瘦肉又矛牙.
7.朝阳自然风
想食瘦肉又矛牙， 年纪柬大心柬花。
两山紫笛咩咩唱，一路秋歌对艾侪。
8.秋歌 一路秋歌对艾侪。啀今对到梅县嫲.
声音又好人又靓. 大家喊佢一枝花.
9.朝阳自然风 大家喊佢一枝花，梅县柬多妇人家。
只只妹子都柬靓，仪喂看到眼珠花。 10.秋歌
仪喂看到眼珠花。唔咪啀花眼唔斜.
黄蜂飞入花园內, 专採介朵牡丹花. 11.朝阳自然风 专採介朵牡丹花，老哥系咩喂搞差。 一朵国花仪敢摘，跌落头挪变东瓜。 12.秋歌 跌落头挪变东瓜。正正当当怕奈侪. 瞒人係敢来干涉, 官司打到北京衙. 13.朝阳自然风 官司打到北京衙，仪敢上访人敢抓。
牡丹柬靓涯唔想，就爱自家烧火嫲。 13.朝阳自然风(转韵) 羊子咩咩唱等来, 悠扬紫笛吹上台。
一条秋歌溜啊出, 两只靓妹口张开。
14.秋歌
两只靓妹口张开, 歌声缕缕溜等来.
一直溜到茶亭坳, 伯公尽话柬有才. 15.朝阳自然风
伯公尽话柬有才，又话阿妹系还衰。
是姆看倒伯公老，唔晓撩仪仪占来。
16.秋歌
唔晓撩仪仪占来, 伯公讲话莫咁衰.
只要羊里咩一下, 坐等都会跌落来. 17.朝阳自然风 坐等都会跌落台，快把秋歌扶起来。
吓坏伯公样般好，再好山歌对唔来 18.秋歌 再好山歌对唔来, 伯公连声喊哀哉. 酿般咩咩柬厉害, 害啀坐等跌落来. 19.朝阳自然风
害啀坐等跌落来，唔系板凳生溜苔。
咩咩一叫秋哥喜，情不自禁跳前台。
20.秋歌 情不自禁跳前台。朝阳莫来蔑衰啀,
大家看等你先跳, 事后又来紧话啀. 21.朝阳自然风
秋歌曲曲送悠扬，引出坡峰二只羊。
咩咩和伴幽溪水，醉倒山前一老狼。
22.秋歌 醉倒山前一老狼, 大哥就係介只狼. 饿到口水拔拔跌, 早就想食小肥羊.
23.朝阳自然风
早就想食小肥羊，唔奈秋哥手柬长。
一条紫笛冲天响，坳上窝下透悠扬。
24.秋歌 坳上窝下透悠扬。唔当食碗鹧姑汤.
上補头那搭腰骨, 下补脚趾搭大肠. 25.朝阳自然风 下补脚趾搭大肠，唔当涯介番薯浆。 常食容颜唔晓老，花甲年龄嫩娇娘。 26.秋歌
花甲年龄嫩娇娘。你莫撮啀番薯浆. 被衭肚里放只屁, 一夜拼臭到天光. 27.朝阳自然风
一条番薯会出浆，确有骚味到天光。
梅树下面种花草，梅枝依偎树边廊。
28.秋歌
梅枝依偎树边廊, 大哥係只花痴郎.
有心採花你莫急, 慢推细磨占出浆.
29.朝阳自然风 慢推细磨占出浆，秋歌就唱花痴廊。
梅李下面钻蓬帐, 揽等梅身做香床。
30.秋歌
揽等梅身做香床, 风流王子属朝阳.
日头晒到屁股上, 喊佢食朝唔巷床.
31.朝阳自然风
食朝都还唔巷床，日头落山还在忙。 唔知秋郞忙脉介，佢话梅子系还香。
32.秋歌
佢话梅子系还香。日头落山渐渐黄.
大哥人才世间少, 讨奔阿姆做婿郎. 33.朝阳自然风 讨奔阿姆做婿郎，瞒人系仪丈母娘。
仪介娼婆好多只，细仪年纪做高堂。 34.秋歌 细仪年纪做高堂。乱搞三天坐监房.
今日奔你兴一下, 明朝就会睡冷床.
35.朝阳自然风 明朝就会睡冷床，样般仪好乱上床。
砻是砻来磨是磨，山是山来梁是梁
36.秋歌 山是山来梁是梁。大家都爱记落肠, 野花再艳别人嘅, 还係家花占过香。
37.朝阳自然风
还係家花占过香，台上豪言大主张。 台下有人尽在笑，哎哟妈哟伢介郞。 38.秋歌
搞笑山歌到介里,建议大哥转话题,
时下贪官像狗虱,捉不尽捉占难题.
39.朝阳自然风
捉不尽捉占难题，路见不平众人平。
十八大后清风起，春光万里放光明。 40.秋歌
春光万里放光明。反腐工作像长征.
任重道远尤艰巨, 关系党心和民心.
| 
/1 
雷达卡
收藏
分享
支持
反对
提升卡
置顶卡
喧嚣卡
变色卡
抢沙发
千斤顶
显身卡
