台湾四县腔客家话正字文章

聚餐123

<網路阿宅>
有一儕人，無人知其麼个名姓，淨知其係「阿
宅」。無人知其歇在奈，乜無人知其在哪食頭
路，看等其个時節，大體就係在網路項。
阿宅平常異恬，無麼个話講，乜異少同人相
借問，係講著其有趣味个話頭，就講毋會煞。
其見講話，盡慣在話頭話尾加一句「這係網友講
个」、「網路項恁樣寫个」。
阿宅有「遠視」，毋過無戴目鏡。其有當多外
國朋友，歇在日本、美國、歐洲……世界各地个人
都有。聽其講起該兜外國朋友，就像歇在兩隔壁樣
仔，講到有來有去，毋過正經問起厥上家下屋，顛倒
當生份，就像遠視眼个人，看遠較清，看近
毋真！大家恁樣頂碓其，其也無打緊，照常轉
去網路世界尋厥「好鄰舍」。
前一駁仔，為著支持在Facebook發起个「世界
無車日」活動，在厥Blog頂高有一張其自家揹等背
包、騎等自行車个相片。詳細讀厥網誌，正知「世
界無車日」係鼓勵大家盡量行路、騎自行車，減少
廢氣汙染，莫分地球暖化，正毋會害臭氧層緊爛緊
大空。這隻熱天，講就無人愛信，講一日到暗就囥到
間肚个阿宅，全無開冷氣來用，係為著「北極熊」
个生存！還較分人想毋著个，係在「世界地球日」
該暗晡，收著阿宅寄來个e-mail，講其參加也「守
護地球」个活動，日時頭擔任解說員，帶等社區
个細人仔去認識大自然、解說自然生態，到暗晡頭
「全球減碳，關電火一點鐘」个時間，還打暗摸
在丹墀坪項，講頭擺看星仔、逐火焰蟲个故事。
有一日，阿宅行出屋下大門，跈等厥網站項，
當多人就知哩！阿宅个網誌項就有人留言笑其
敢係改常也，仰無在屋下同網路好鄰舍打嘴鼓
呢？其黏時留言應講：「哦！網路新聞有講啊，今
這下全球个天時變化忒遽，俚生活環境个問題緊
來緊嚴重，汙染个情況係無改善，下二擺驚怕就
看毋著火焰蟲哩！再過講，大家都歇在這地球項，
同生活个環境拚淨來，歇著乜較鬆爽，故所大家應
該愛行出來，攎手捋腳、相幫相幐，呵呵！吾網
友係恁樣講个啦！」

聚餐123

<网路阿宅>
有一侪人，无人知其么个名姓，净知其系「阿
宅」，无人知其歇在奈，乜无人知其在哪食头
路，看等其个时节，大体就系在网路项。
阿宅平常异恬，无么个话讲，乜异少同人相
借问，系讲着其有趣味个话头，就讲毋会煞。
其见讲话，尽惯在话头话尾加一句「这系网友讲
个」，「网路项恁样写个」。
阿宅有「远视」，毋过无戴目镜。其有当多外
国朋友，歇在日本，美国，欧洲......世界各地个人
都有。听其讲起该兜外国朋友，就像歇在两隔壁样
仔，讲到有来有去，毋过正经问起厥上家下屋，颠倒
当生份，就像远视眼个人，看远较清，看近
毋真！大家恁样顶碓其，其也无打紧，照常转
去网路世界寻厥「好邻舍」。
前一驳仔，为着支持在Facebook的发起个「世界
无车日」活动，在厥博客顶高有一张其自家背等背
包，骑等自行车个相片。详细读厥网志，正知「世
界无车日」系鼓励大家尽量行路，骑自行车，减少
废气污染，莫分地球暖化，正毋会害臭氧层紧烂紧
大空。这只热天，讲就无人爱信，讲一日到暗就囥到
间肚个阿宅，全无开冷气来用，系为着「北极熊」
个生存！还较分人想毋着个，系在「世界地球日」
该暗晡，收着阿宅寄来个电子邮件，讲其参加也「守
护地球」个活动，日时头担任解说员，带等社区
个细人仔去认识大自然，解说自然生态，到暗晡头
「全球减碳，关电火一点钟」个时间，还打暗摸
在丹墀坪项，讲头摆看星仔，逐火焰虫个故事。
有一日，阿宅行出屋下大门，跈等厥网站项，
当多人就知哩！阿宅个网志项就有人留言笑其
敢系改常也，仰无在屋下同网路好邻舍打嘴鼓
？呢其黏时留言应讲：「哦网路新闻有讲啊，今
这下全球个天时变化忒遽，俚生活环境个问题紧
来紧严重，污染个情况系无改善，下二摆惊怕就
看毋着火焰虫哩！再过讲，大家都歇在这地球项，
同生活个环境拼净来，歇着乜较松爽，故所大家应
该爱行出来，攎手捋脚，相帮相幐，呵呵！吾网
友系恁样讲个啦！」

统彤

　　不懂，也不想求懂。